Înîsîyatîfê Neteweyî yê Kurdîstanî
Ma kewtî rayîr ke qewetanê neteweyîyan ê her hetî yew zemîno pêroyî de biarî pêser, îdeolojîya neteweperwerî bikerî merkezê ronakbîyayîşê neteweyî û yew qewetê saziyî awan bikerî ke îradeyê pêroyî yê miletê ma temsîl bikero.
Amanc û Prensîbî
Nê momentî de ma vînenî ke sinifo sîyasî yê kurdan hetê subjebîyayîş û temsîlê neteweyî ra yew belavbîyayîş û kêmanî ciwîyeno. Ma xebata xo hîrê eksenanê ke yewbînî temam kenî ser o benî raver.
Eksen A
Ma awankerdişê merkezan zerûrî vînenî ke rolê îdeolojîya neteweperwerî ronakbîyayîş û şuurê neteweyî de, îrade û yewbîyayîşê neteweyî de bi pîvanê kanonîkî nîşan bidî û çimeyanê zanayîşê neteweyî — tarîx, ziwan, kultur û edet — bi hawayo sîstematîk bigurênî û qewetê tesîrî awan bikerî.
Bi hûrî biwaneEksen B
Ke pêlê neteweperwerîye yo berzbîyaye bi pêro potansîyelê xo bibo yew qeweto neteweyî yo saziyî, ma beşdarbîyayîşê hîrayî yê ronakbîran û akademîsyenan pawenî; ma yew xebata platforma neteweyî ke her hetî ana pêser pêşnîyaz kenî.
Bi hûrî biwaneEksen C
Ma awanbîyayîşê xo tena sey yew xebata ke qewetê temsîlê neteweyî awan kena nêvînenî; ma ey hem zî sey yew tovê xoverdayîşê neteweyî yê vera operasyonanê fetihkerdişê newe, îlhaq û esterdişê welatê ma ra tarîx vînenî.
Bi hûrî biwane«Îdeolojîya neteweperwerî ardişê serweriya neteweyî û awankerdişê dewleta neteweyî vînena; nê têkoşînî de estbîyayîş û cayê her unsurê neteweyî meşrû û zerûrî vînena.»Amanc û Prensîbî — Beyanname
Hîrês Xalî
Înîsîyatîfê Neteweyî yê Kurdîstanî xebatanê xo de nê prensîban esas gêno.
Amanc keno ke yewbîyayîşê neteweyî yê miletê kurdî bêro qewetin kerdene; partîyanê sîyasîyan, sazgeyanê cematê sivîlî, ronakbîran, akademîsyenan, hunermendan, cinîyan û xortan teşwîq keno ke yew zemîno neteweyî yo pêroyî de bêrî pêser.
Mîyanê awanîyanê sîyasî û cematkîyanê kurdan de averberdişê kulturê dîyalogî, piştgirîye, têkilîye û têkoşînê pêroyî esas gêno; fehmê dubendîya zereyî û cîyabîyayîşî red keno.
Sey dergbîyayîş yan alternatîfê tu partîyêka sîyasî hereket nêkeno; yew duruşo neteweyî yo serbixwe, bêteref û hîra gêno xo ser ke heme kesimanê neteweyîyan ra eynî dûrîye de yo.
Menfeetanê neteweyîyanê pêroyîyan ê miletê kurdî, îradeyê ey ê pêroyî û heqê ey ê dîyarkerdişê azad ê ameyoxê xo sey prensîbo bingeyên qebul keno.
Amanc keno ke piştgirîya kulturî, cematkî û demokratîke mîyanê kurdanê çar parçeyanê Kurdîstanî de bêro qewetin kerdene; şuurê neteweyî û hîsê aîdîyetê pêroyî bêro averberdene.
Pawitiş û averberdişê heme lehçeyanê kurdkî sey mesulîyeto neteweyî vîneno; seba karardişo hîra û musayîşê lehçeya ma Dimilkî/Kirdkî xebata taybetî sey wezîfe dîyar keno.
Rolê cinîyan, xortan, ronakbîran û akademîsyenan awankerdişê şuurê neteweyî de muhîm vîneno; beşdarîya înan a aktîfe mekanîzmayanê qerardayîşî û prosesanê cematkîyan de destek keno.
Azadîya bawerî, fikir û îfadeyî; pirrengîye, beşdarîya demokratîke û şefafîye mîyanê prensîbanê ciwîyayîşê cematkî yê ke terkê înan nêbeno de hesab keno.
Beşdarbîyayîşê averberdişê yew şuurê kongreyê neteweyî yo demokratîk, saziyî û hîra ke îradeyê pêroyî yê miletê kurdî nîşan bidero, sey mesulîyeto tarîxî qebul keno.
Piştgirîye û gama ke lazim bo xebata pêroyî bi partî, platform û awanîyanê kurdîstanîyan pawena. Labelê bi awanîyanê sîyasîyan ê ke mîyanê xo û rejîmanê kolonyalîstan û hevkaranê înan de dûrîya zelal nêronenî, tu hevkarî aver nêbena.
Awankerdişê yew «Heyetê Temsîlê Neteweyî» yo meşrû ke heqanê kolektîfanê miletê kurdî bibero platformanê mîyanneteweyîyan, sey amanco stratejîk nano xo ver.
Amanc keno ke heqê kêmîneyanê etnîkan, dînîyan û kulturîyan ê Kurdîstanî bi anayasa bêrî pawitene; yew cematê sîyasî yo hîra ke hemwelatîya wezne û hurmetê pêyî ser o awan beno.
Ma sey Înîsîyatîfê Neteweyî yê Kurdîstanî tu parlamentoyêk ke heqanê kolektîfanê miletê ma nêşinasneno meşrû nêvînenî û weçînayîşanê nê parlamentoyan sey rojeva xo qebul nêkenî.
Rojane
Înîsîyatîfê Neteweyî yê Kurdîstanî beyannameyê damezrandişî xo yo bi sernameyê «Amanc û Prensîbî» bi raya pêroyî ra pare kerd. Beyanname xebata ke do serê hîrê eksanan de bêro rami…
BiwaneVeng
Muhafezekaran ra heta lîberalan û çepgiran, ma ronakbîranê her hetî — her kesî enîya xo ra — dawet kenî ke prosesî bi analîzanê hîrayan û metnanê îdeolojîkanê qewetinan destek bikerî. Ma averberdişê înîsîyatîfanê neteweyîyan her hucreya cematkî ya miletê ma de, tevgeranê xortan û cinîyan de, sazgeyanê meslekîyan û cayanê niştenî de seba estbîyayîşê ma yo neteweyî zerûrî vînenî.
Ma rê binusê
Wexta şıma Bırşê ser o klik kenê, programê e-mailî beno a.
ya zî direkt binusê: i.n.y.kurdistani@gmail.com