Înîsîyatîfa Neteweyî ya Kurdistanê
Em derketine rê da ku hêzên neteweyî yên ji her bergehê li ser zemîneke hevpar bicivînin, îdeolojiya neteweperwer bixin navenda ronakbîriya neteweyî û hêzeke sazûmanî ya ku îradeya hevpar a miletê me temsîl bike ava bikin.
Armanc û Prensîb
Bi momenta ku em tê de ne, em difikirin ku çîna siyasî ya Kurd ji aliyê subjektîfiya neteweyî û temsîlê ve belawelabûn û kêmasiyekê dijî. Em xebata xwe li ser sê eksenên ku hev temam dikin dimeşînin.
A · Eksen
Em avakirina navendan pêwîst dibînin ku rola îdeolojiya neteweperwer di ronakbîrî û hişmendiya neteweyî de, di îrade û yekîtiya neteweyî de bi pîvanên kanonîk nîşan bidin û çavkaniyên zanîna neteweyî — dîrok, ziman, çand û kevneşopî — bi awayekî sîstematîk bixebitînin.
Bi berfirehî bixwîneB · Eksen
Ji bo ku pêla neteweperwer a bilindbûyî bi hemû potansiyela xwe veguhere hêzeke neteweyî ya sazûmanî, em beşdarbûna berfireh a rewşenbîr, entelektuel û akademîsyenan diparêzin; em xebateke platforma neteweyî ya ku hemû bergehan hembêz dike pêşniyar dikin.
Bi berfirehî bixwîneC · Eksen
Em avabûna xwe ne tenê wekî xebateke ji bo avakirina hêza temsîla neteweyî, di heman demê de wekî navikeke berxwedana neteweyî ya li dijî operasyonên ji nû ve fetih, îlhaq û jiholêrakirina welatê me dinirxînin.
Bi berfirehî bixwîne“Îdeolojiya neteweperwer pêkanîna serweriya neteweyî û avakirina dewleta neteweyî pêşbînî dike; di vê têkoşînê de hebûn û cihê her hêmaneke neteweyî rewa û pêwîst dibîne.”Armanc û Prensîb — Daxuyanname
Sêzdeh Xal
Înîsîyatîva Neteweyî ya Kurdistanê di xebatên xwe de prensîbên jêrîn esas digire.
Armanc dike ku yekîtiya neteweyî ya miletê Kurd bê xurtkirin; partiyên siyasî, rêxistinên civaka sivîl, rewşenbîr, akademîsyen, hunermend, jin û ciwanan teşwîq dike ku li ser zemîneke neteweyî ya hevpar bicivin.
Di navbera sazûmanên siyasî û civakî yên Kurd de pêşxistina çanda diyalog, hevgirtin, lihevhatin û têkoşîna hevpar esas digire; têgihîştina pevçûna navxweyî û cudabûnê red dike.
Wekî dirêjahiya an alternatîfa tu partiyeke siyasî tevnagere; helwesteke neteweyî ya serbixwe, bêalî û berfireh a ku ji hemû beşên neteweyî re di heman dûrahiyê de ye dipejirîne.
Berjewendiyên neteweyî yên hevpar ên miletê Kurd, îradeya wî ya hevpar û mafê wî yê diyarkirina azad a pêşeroja xwe wekî prensîba bingehîn qebûl dike.
Armanc dike ku hevgirtina çandî, civakî û demokratîk di navbera Kurdên çar parçeyên Kurdistanê de bê xurtkirin; hişmendiya neteweyî û hesta aîdiyeta hevpar bê pêşxistin.
Parastin û pêşxistina hemû zaravayên Kurdî berpirsiyariyeke neteweyî dibîne; ji bo bikaranîn û fêrbûna berfireh a zaravayê Dimilkî/Kirdkî xîreteke taybet wekî erk destnîşan dike.
Rola jinan, ciwanan, rewşenbîran û akademîsyenan di avakirina hişmendiya neteweyî de girîng dibîne; beşdariya wan a çalak di mekanîzmayên biryargirtinê û pêvajoyên civakî de piştgirî dike.
Azadiya bawerî, raman û derbirînê; pirrengî, beşdariya demokratîk û şefafiyê di nav prensîbên bêveger ên jiyana civakî de dinirxîne.
Beşdariya di pêşxistina hişmendiyeke kongreya neteweyî ya demokratîk, sazûmanî û berfireh de ku îradeya hevpar a miletê Kurd nîşan bide, wekî berpirsiyariyeke dîrokî qebûl dike.
Hevgirtin û li gorî pêdiviyê xebata hevpar bi partî, platform û sazûmanên Kurdistanî re diparêze. Lê bi sazûmanên siyasî yên ku di navbera xwe û rejîmên kolonyalîst û hevkarên wan de dûrahiyeke zelal nadanîn re tu hevkariyê pêş naxe.
Avakirina “Heyeteke Temsîla Neteweyî” ya rewa ku mafên kolektîf ên miletê Kurd bibe platformên navneteweyî û bike rojev, wekî armanceke stratejîk datîne pêşiya xwe.
Ewlekirina destûrî ya mafên kêmarên etnîk, olî û çandî yên li Kurdistanê dijîn; civakeke siyasî ya berfireh a li ser hemwelatîbûna wekhev û rêza hevdu ava dibe armanc dike.
Em wekî Înîsîyatîva Neteweyî ya Kurdistanê tu parlamentoyeke ku mafên kolektîf ên miletê me nas nake rewa nabînin û hilbijartinên ji bo van parlamentoyan wekî rojeva xwe qebûl nakin.
Rojane
Înîsîyatîva Neteweyî ya Kurdistanê daxuyannameya xwe ya damezrandinê ya bi sernavê 'Armanc û Prensîb' bi raya giştî re parve kir. Daxuyanname xebata ku dê li ser sê eksenan bê meşa…
BixwîneBang
Em rewşenbîrên ji her bergehê — ji muhafezekar bigire heta lîberal û çepgiran, her kesî ji eniya xwe — vedixwînin ku pêvajoyê bi analîzên berfireh û metnên îdeolojîk ên xurt piştgirî bikin. Em pêşxistina înîsîyatîvên neteweyî di her şaneya civakî ya miletê me de, di tevgerên ciwanan û jinan de, di rêxistinên pîşeyî û yekeyên niştecihbûnê de ji bo hebûna me ya neteweyî pêwîst dibînin.
Ji me re binivîsin
Dema pêl Bişîne bikin, bernameya e-nameyê vedibe.
an rasterast binivîsin: i.n.y.kurdistani@gmail.com